ਦੋਆਬਾ ਕਾਲਜ ਨੇ ਜੀਐਨਡੀਯੂ ਦੀ ਲੜਕਿਆਂ ਦੀ ਓਵਰਆਲ ਰਨਰਅੱਪ ਟਰਾਫੀ ਜਿੱਤੀ
City Air News
Jan 30, 2025 05:51
0
ਜਲੰਧਰ () 30, ਜਨਵਰੀ 2025 ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ ਨੇ ਜਾਣਕਾਰੀ ਦਿੰਦਿਆਂ ਹੋਇਆ ਕਿਹਾ ਕਿ ਦੋਆਬਾ ਕਾਲਜ ਨੇ ਹਾਲ ਹੀ ਵਿੱਚ ਜੀਐਨਡੀਯੂ ਵਿੱਚ ਖੇਡਾਂ ਵਿੱਚ ਵਧੀਆ ਪ੍ਰਦਰਸ਼ਣ ਕਰਦੇ ਹੋਏ ਬੀ ਡਿਵੀਜ਼ਨ ਦੀ ਓਵਰਆਲ ਰਨਰਅੱਪ ਟਰਾਫੀ ਸੈਸ਼ਨ 2023—24 ਜਿੱਤੀ ਹੈ । ਜੀਐਨਡੀਯੂ ਦੇ ਸਪੋਰਟਸ ਵਿਭਾਗ ਦੁਆਰਾ ਅਯੋਜਤ ਸਮਾਰੋਹ ਵਿੱਚ ਮੁੱਖ ਮਹਿਮਾਨ ਡਾ. ਕਰਮਜੀਤ ਸਿੰਘ— ਵਾਇਸ ਚਾਂਸਲਰ, ਡਾ. ਕਨਵਰ ਮਨਦੀਪ ਸਿੰਘ— ਸਪੋਰਟਸ ਡਾਇਰੈਕਟਰ ਜੀਐਨਡੀਯੂ, ਡਾ. ਕਰਮਜੀਤ ਸਿੰਘ ਕਾਹਲੋਂ— ਰਜਿਸਟਰਾਰ ਨੇ ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ ਅਤੇ ਪੋ੍ਰ. ਵਿਨੋਦ ਕੁਮਾਰ —ਫਿਜੀਕਲ ਐਜੂਕੇਸ਼ਨ ਵਿਭਾਗਮੁੱਖੀ ਨੂੰ ਇਹ ਟਰਾਫੀ ਪ੍ਰਦਾਨ ਕੀਤੀ । ਜਿਕਰਯੋਗ ਹੈ ਕਿ ਕਾਲਜ ਦੀ ਲੜਕਿਆਂ ਨੇ ਫੁੱਟਬਾਲ ਵਿੱਚ ਪਹਿਲਾ, ਖੋ—ਖੋ ਵਿੱਚ ਪਹਿਲਾ, ਰਗੱਬੀ ਵਿੱਚ ਦੂਜਾ ਅਤੇ ਰੈਸਲਿੰਗ ਵਿੱਚ ਜੀਐਨਡੀਯੂ ਵਿੱਚ ਲੜਕੀਆਂ ਦੇ ਬੀ ਡਿਵੀਜ਼ਨ ਦੇ ਮੁਕਾਬਲੇ ਵਿੱਚ ਉੱਚ ਸਥਾਨ ਹਾਸਿਲ ਕੀਤਾ ਸੀ ਜਿਸ ਸਦਕਾ ਕਾਲਜ ਓਵਰਆਲ ਰਨਰਅੱਪ ਦੀ ਟਰਾਫੀ ਹਾਸਲ ਕਰਨ ਵਿੱਚ ਸਫਲ ਰਿਹਾ । ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ ਨੇ ਇਸ ਉਪਲਬੱਧੀ ਦੇ ਲਈ ਕਾਲਜ ਦੀ ਹੋਣਹਾਰ ਵਿਦਿਆਰਥਣਾਂ ਦੀ ਵੱਖ—ਵੱਖ ਟੀਮਾਂ, ਉਨ੍ਹਾਂ ਦੇ ਕੋਚਿਸ ਅਤੇ ਪ੍ਰਾਧਿਆਪਕਾਂ ਨੂੰ ਇਸ ਉਪਲਬੱਧੀ ਲਈ ਮੁਬਾਰਕਬਾਦ ਦਿੱਤੀ ।
